ma dari na manu. Avemu un probblema seriu, ca mi pigghia d’intra, ca m’addanna l’anima.

Lu sa, quannu pardi di mia cull’antri sugnu sempre u chiù beddu: “u smeraldo virdi” mi chiami, e grazie ammia porti gantu l’unuri di sta terra, a bedda Sicilia, ca di bedde comu a idda cinn’è picca.

Sugnu u pistacchio da to casa; nascivu na “Valle dei Platani”, ni ddi posti unici ca sulu nantri avemu.

Cummia t’addivetti e ti inchi a panza. Mi usi pa pasta, pi dolci, pi salumi. I e sulu i dugnu du sapuri duci, dd’essenza di bonu ca ricorda i manu di nostri avi, quannu travagliavanu a terra e parlavanu cu u suli.

O nord, o sud e anchi a Roma parlanu di mia e di me frati u catanisi. E quannu vidinu i cosi ca annu mpiccicatu “pistacchio di Sicilia” si scotinu tutti, picchì ni sentinu già u sapuri.

Ma chissi su tempi tinti pi mia. Picchì dicinu ca ci voli troppu travagghiu pi pputirimi cogliri. Picchi dicinu ca semu boni, ma ca ci vonnu i strutturi, i competenzi, ca vannu arrispittati i tempi. Dicinu ca sugnu priziusu, ma anchi ca lu fazzu, u priziusu.

E ppo, lu vo sapiri chi succedi? Arrivaru l’ospiti. Di chiddi ca fannu sensu, ca ti levanu l’anima a picca a picca e poi… t’ammazzanu!

Annu nnomi particolari: u xilofago Scolitide, u Verme du pistacchio, a Tignola di fogli, i cocciniglie. Ma cca, propriu ni sta Valle nostra, arrivà anchi sta Eurytoma plotnikovi, n’insettu dannusu ca mi fa male o cori, m’arruvina dintra, finu a farimi moriri.

E vantri mancu stati pinzannu a curarimi. Mi sirbissiru i midicinali, u capiti ca senza moru?

E si un mi curati, scurdativi u pestu, i cannola, u turruni, u gelatu, i biscotti e tutti ddi beddi piatti ca sulu cummia annu sensu e ca vi vantati cu i vostri amici du Nord e ca tutta l’Italia si vanta cu u munnu.

Pi favuri, ascuntami, chiamami, parlamuni. Mi staiu cumpunnennu.

U to